Ја користам оваа прилика да Ве запознаам со активностите превземени да се ефектуира поврзувањето меѓу општините во областа на Енергетската Ефикасност (ЕЕ).
Со новите ингеренции на локалната самоуправа, на товар на Општините се доделуваат определени дејности за кои треба да се издвојат средства за нормална работа. Голем дел од тие средства се потребни за покривање на трошоците за енергија. Со мерките за енергетска ефикасност овие трошоци можат знатно да се смалат, а со тоа да се намали притисокот на општинските буџети, или заштедените средства да се пренаменат за други активности.
Општинските совети не располагаат со доволно знаење и информации (освен во определни исклучоци) за можностите кои се отвараат со примената на мерките за Енергетска Ефикасност ЕЕ. Од таа причина МАЦЕФ – Центарот за енергетска ефикасност на Македонија може да го ублажи овој проблем со активното вклучување на своите експерти (1 академик, 17 доктори на науки, 4 магистри и поголем број економисти и инженери од различни профили).
Во овој момент МАЦЕФ се јавува како организатор на работата на оваа национална мрежа, превземајќи ги на себе организационите задачи, информирањето на општините и советнички услуги од својот домен. Со здружувањето во мрежата МОМЄЄ општините ќе ги реализираат следниве придобивки и предности:

Со зачленувањето ќе си овозможат:

• Меѓусебна размена на информации (преку МАЦЕФ) за техничките постигнувања и нови технологии за слични пректи кои се предвидени на општинско ниво (рехабилитација на згради-школи, администрција, градинки, домови; улично осветление; водовод; пречистителни станици; собирање на комунален смет).
• Заедничка разработка и управување со ЕЕ проекти.
• Меѓусебно помагање за надминување на пречките за ефикасно користење на енергијата.
• Директна помош на Општинските служби при изработката на апликацијата за доделување на средства од фондот на УСАИД – MDW (Make Democracy Work) и MGGW ( Municipal Good Governance Fund – вредност 2 милиона долари). Во овој проект кој ќе трае цела година МАЦЕФ е директно вклучен при подготовкаста на основната документација за конкурирање за средства потребни на општините. Од таа причина сметаме дека дополни­телната помош ќе биде драгоцена.
• МАЦЕФ организира тренинг курс за обука од областа на енергетска контрола на објектите, со поддршка на Норвешката влада. Членовите на мрежата ќе имаат пристап до вкупната документација, а ќе добијат и бесплатен софтвер кој ќе можат да го користат за свои потреби при изработката на Плановите за економски развој на општината, поттикнувањето на малите претпријатија и изработката на енергетските биланси.
• Добивање на печатените материјали приготвени од МАЦЕФ бесплатно, или со бенефицирана цена.
• Информации за меѓународни фондови од каде можат да се побараат и добијат грантови за предвидените проекти.
• Техничка помош при приготвувањето на апликациите за овие грантови.
• Предност при обуката која се реализира од страна на меѓународните асоцијации.
• Пристап до сите податоци со кои располагаат меѓународните асоцијации од оваа дејност, врз основа на членувањето на МОМЄЄ во нив.
• Организирање на посета на градови и објекти надвор од нашата земја каде што се реализирани успешно проекти, кои се предвидени во планот на општините.
• Учество на регионалните средби за размена на искуства од областа на Енергетската Ефикасност и Заштитата на околината (Екологијата).
• Добивање на податоци за квалитетот на опрема која им се нуди во проектите за кои се обезбедени финасиски средства.
• Лобирање за интересите на членовите на мрежата.

За да се обезбеди успешно функционирање на мрежата МОМЄЄ, покрај зачленувањето потребно е да се определи една личност на ниво на општината која има пристап до компјутер со интернет врска (од редот на советниците или друга соодветна личност која сака да биде активно вклучена во работата на мрежата) која ќе биде одговорна да ги пренесува информациите до Градоначалникот и до Советот на општината (по потреба).
Информациите кои редовно ќе ги добивате се однесуваат на работата на поголем број асоцијации, фондации и институции од оваа област; дел од нив се:

1. USAID
2. BISE – Better Integration for Sustainable Energy – Во оваа организација МАЦЕФ е член на секретаријатот, а на есен ќе се одржи Форум во Софија на кој можат да присуствуваат членките на МОМЄЄ
3. Smart Communities Network
4. Best Practices Network,
5. Best Practices Hub Vienna
6. Energie-Cites, асоцијација на Европските градови во која се промовира политика на лока ­ лен одржлив развој, а располага со извонредна база на податоци за успешно реализирани проекти.
7. Municipal Network for Energy Efficiency - MUNEE – Регионална мрежа поддржана од Alliance to save Energy ( членки се Бугарија, Србија, Босна, Романија, Молдова, Балтичките земји, Словачка, Чехија). Преку оваа мрежа и соработката меѓу членките се посветува посебно внимание на: развивање проекти од област на ЕЕ, Енергетски биланси, Енергетски менаџмент, Ефикасно водоснабдување, Децентрализирано топлифицирање – когенерација.
8. Sustainable Cities Framework:
9. Sustainable Energy Finance Directory – База на податоци за финансиери во област на ЕЕ.
10. Alliance to Save Energy
11. BASE - United Nations Environment Programme
12. European Commision
13. Energy Efficiency Legislation – Промоција на енергетска ефикасност кај корисниците, енергетски сервис, енергетска ефикасност во згради и др.
14. REEP – Renewable energy and Energy Efficiency Partnership
15. U.S. Department of Energy    
16. The European Council for an Energy Efficient Economy – ECEEE –
17. Office of Energy Efficiency and Renewable Energy (EERE) .
18. Energy server
19. e-Parliament, “Intelligent Energy Action Network”
20. Development Gateway
21. ManagEnergy
22. NATO Science for peace
23. Carbon Market - from Point Carbon
24. Euromoney Institutional Investor PLC,
25. The Regional Environmental Center for Central and Eastern Europe (REC)
26. RENEUER – Regional network on Efficient Use of Resources ( членки се: Македонија, Албанија, СиЦГ, БиХ, Хрватска, Бугарија, Романија, Молдова)
27. CIDA-EBRD Cooperation Fund for Southeastern Europe ( Centre Canadien d'etude et de cooperation internationale)
28. SDC – Swiss Agency for Development and Cooperation
29. ADA – Austrian Development Agency
    

За сите дополнителни информации Ви стоиме на располагање на телефоните:
02 3099 216, 070 22 85 77, 075 22 85 77, факс: 02 3061 013 и
на електронска пошта: macef@mf.ukim.edu.mk kokan@ukim.edu.mk